اعزائي المستمعين السلام عليكم ورحمة الله تعالى وبركاته وأهلا بكم معي أنا سعد المطرفي في حلقة جديدة من برنامج ديوان إثلب في العيد.
معنا اليوم السيد ثامر عبد الكريم وهو من أهالي العلا، ليحدثنا عن ذكرياته مع العيد وذكريات أهالي محافظة العلا.
ثامر حياك الله
أبقاك الله، يا هلا اخوي سعد الله يحييك السلام عليكم
كل عام وانت بخير
وانتم بخير وصحة وسلامة ان شاء الله
عليكم السلام ورحمة الله وبركاته، عاد العيد السنة هذي غير كل عيد
اي نعم، العيد في العلا لعله له طابع خاص وله نكهة خاصة
ايه
توارثها الأبناء عن الأباء والأجداد، ولازالت بحمد الله متصلة هذه العادات وهذه التقاليد كما كانت سابقاً
حلو، ثامر تبي تعطينا يعني بعض العادات هذي اللي انت تتكلم عنها.
والله في السابق كان الأباء يحتفلوا بالعيد، يحتفلوا بأن الله سبحانه وتعالى من عليهم بصيام هذا الشهر الفضيل وقيامه.
فـــ عند خروجهم لصلاة العيد يبتهجوا بهذا المحفل، وكانت هناك الألعاب الشعبية مثل لعبة الزير
نعم
كانت تلعب في السابق طيلة 7 أيام
ما شاء الله
في أيام العيد. ثم اختزلت
في النهار ولا في الليل؟
في النهار، في العصر يخرجون إلى ساحة الدور ويلعبو لعبة الزير بعد كذا صارو يلعبوها الى 3 أيام متواصلة طيلة هذه الأيام.
طيب خلينا ناخذها يا ثامر بالتوقيت، من بعد صلاة العيد ايش البرنامج؟
والله بعد صلاة العيد أيام زمان كانت تنقسم إلى ثلاثة أيام
نعم
يعني أول يوم كانو يعيدوا أهل البلدة التاريخية في نفس البلدة، وأهل الــ يسموها البر المنطق.. ، المزارع والعيون الجنوبية من البلدة
نعم
يسموها البر. فكان كل عائلة تعيد في منازلها ويعيدوا على أهلهم. في اليوم التالي، اليوم الثاني، يذهب.. إما يذهب أهل الديرة إلى أهل البر أو العكس يذهب أهل البر إلى أهل الديرة ليعيدوهم ويزوروا منازلهم، في اليوم الثالث كذلك، يذهب العكس إما ..
هل،، هل فيه أكلات معينة في العيد؟
نعم السمبوس هذا اكيد! السمبوس هذا يعمل كان للعيد ويهتموا بعنايته طبعا السمبوس بالعلا مختلف عن باقي المناطق قليلا
السمبوس غير السمبوسه؟
السمبوسه هي نفسها ولكن كان أهل العلا يضيفو على عجينتها بعض البهارات وبعض النكهات تختلف قليلا عن السمبوسة المعمولة في باقي المناطق
نعم هذي تكون عادتهم في الصباح
في الصباح نعم
طيب ثامر خليني اسألك سؤال وجاوبني بصراحة، إيش أكثر عيدية جاتك؟ مبلغ مالي كم؟
والله يمكن ما تتعدى كانت في تلك الفترة حنا 50 ريال او ما تتعدى هذه المبالغ تقريبا
يعني هذي أعلى عيدية جاتك انت يعني؟
ايه لكن العيد
ايش سويت فيها؟
والله تروح ماتدري وين راحت يعني *يضحك* لكن العيد
طيب
لا تزال نكهته متواجده في العلا إلى اليوم يعني
نعم
نفس الخروج إلى العيديات وعلى الأهالي ونزور البيوت وكبار السن إلى اليوم العيد في العلا على هذا الحال الحمدلله
شكرا لك، كان معنا ثامر عبدالكريم من محافظة العلا وشكرا لك وكل عام وانتم بخير
العفو وانت بخير يارب
